Mahimo na nga maggamit sang mga pulis ang body-worn cameras sa tion nga makatapos na sila sa pre-operations phase.
Sa interview sang Bombo Radyo kay Police Lt. Colonel Joem Malong, Spokesperson sang Police Regional Office (PRO) 6, iya ginpahayag nga kabug-usan nga 256 ka mga body-worn cameras may yara ang Wester Visayas.
Apang ang iban nga pulis suno kay Malong ang wala pa sang camera kag mahimo nga mangin alternatibo anay ang cellphone nga gamiton sa pagserbe sang mga warrants kag pagpatigayon sang operasyon.
Nahibaluan nga Agusto 1 pa nangin epektibo ang pagsuksok sang body cameras apang gin-ako sang Philippine National Police nga wala sila sa gihapon sang bastante nga devices.
