Gin-extend pa tubtob sa Agosto 31, 2021 ang total lockdown sa Barangay Salvacion, Nueva Valencia, Guimaras bangud sa nagataas nga kaso sang COVID-19.
Sa interview sang Bombo Radyo kay Loren Gallarda, Head sang Municipal Disaster Risk Reduction and Management Office (MDRRMO) iya ginpahayag nga may yara na sang masobra 70 ka mga positibo nga kaso sang COVID-19 sa nasambit nga barangay.
Suno kay Gallarda, padayon sa gihapon ang pagpahamtang sang checkpoint sa palibot sang barangay agud wala sang may makasulod kag makaguwa sa Barangay Salvacion.
May yara man sang tunga sa sako sang bugas kag sud-an nga ginhatag ang local government unit sang Nueva Valencia sa tagsa ka mga pamilya sa nasambit nga barangay.
