Magapadalagan liwat bilang alkalde sang Davao City ang presidential daughter nga si Sara Duterte-Carpio.
“According to Mayor Sara, she will run for re-election as Davao City Mayor,” suno sa iya spokesperson nga si Christina Frasco.
Ginapahayag nga magapadalagan bilang vice mayor ang iya manghod nga lalaki nga si Sebastian Duterte.
Una diri, nagpanindugan na si Duterte-Carpio nga may kasugtanan sila sang iya amay nga si Presidente Rodrigo Duterte nga isa lang sa ila ang magapapili sa national position sa 2022 elections.
Ini nga anunsyo ang pinakaulihi sa serye sang ‘mixed messages’ halin sa kay Duterte-Carpio nga may matunog nga pangalan nga ginabati-bati nga magapadalagan bilang presidente.
