Patay ang 20-anyos nga cashier sa Germany matapos ginluthang sang isa ka kustomer nga ginsugo niya nga magsuksok sang face mask samtang nagabakal sang beer.
Natabo ang insidente sa Idar-Oberstein.
Sandig sa report, ginhambalan sang cashier ang lalaki nga customer nga magsuksok sang face mask. Naakig ang lalaki, natabo ang pagbaisay, kag sang ulihi naghalin ang lalaki sa German nshop.
Matapos ang isa ka oras kag tunga, nagbalik ang lalaki kag nakasuksok na sang face mask apang natabo liwat ang argumento sa tunga niya kag sang biktima.
Sunod nga gingabot sang lalaki ang iya nga revolver kag ginluthang ang biktima sa ulo.
Ang 49 anyos nga suspek ang nagsungka man sa mga pulis pagkasunod nga aga. Gin-ako sini ang krimen.
Ginpahayag sini nga ‘cornered’ siya sa pagsulundan angot sa COVID-19 nga iya pa ginlaragway bilang “ever-growing infringement” sa iya kinatamatarong kag “there is no way out.”
Ini nga pagluthang-patay sa cashier ang ginapahayag labing-una nga krimen nga naangot sa coronavirus rules sang pungsod.
