20 ang pilason kag ginatos ang gin-evacuate kasunod sang paglupok sang isa ka apartment building sa Gothenburg, Sweden.
Sa inisyal nga imbestigasyon sang mga pulis, naga-guwa nga may explosive device nga ginbutang sa amo nga building.
Naglapta pa ang kalayo sa kaiping nga mga apartments. Ginapahayag natabo ang paglupok sa inner courtyard sang building kag sang amo nga tion, naglumpat ang mga tawo gikan sa mga bintana sang ila hulot agud nga makapalagyo.
Gina-imbestigaran pa sang matul-id ang ginhalinan sang paglupok apang ginapahayag nga may foul play nga natabo kag ginalantaw kun may yara sang target sa mga tenant sa amo nga building. #
