ILOILO CITY- Prayoridad sang bag-o nga direktor sang Iloilo City Police Office (ICPO) nga mas pasanyugon pa ang investigative kag technical skills sang mga imbestigador.
Sa interview sang Bombo Radyo kay Pol. Col. Leo Batiles, iya ginpahayag nga dako ang papel nga ginatungdan sang kapulisan bilang nagapanguna nga institusyon sa criminal justice sang pungsod.
Suno kay Col. Batiles, nagakadismiss sa korte ang iban nga mga kaso bangud sa kapaslawan sang PNP nga mapabakod ang mga ebidensya batok sa mga akusado.
Dugang sang ICPO Director, paagi sa pagpasanyog pa sang kapasidad sang kapulisan sa imbestigasyon kag pag-uyat sang mga kaso, mas mahatagan sang hustisya ang mga biktima sang ano man nga sahi sang kriminalidad.
