Kasubong nga Paskwa ang selebrasyon sang “Dia del Cariño” ukon Valentine’s day sa Guatemala.
Suno kay Bombo International Correspondent Fr. Cevero Fresco Ermeje, CICM direkta sa Guatemala, mabatyagan gid ang paghigugma kag pag-inabyanay sa nasambit nga pungsod sa adlaw sang tagipusuon bangud nagabayluhanay gid ang kadam-an sang regalo, bulak, tsokolate, kag cards.
Kaangay man sa Pilipinas, madamo man sang nagapili nga magpakasal sa adlaw mismo sang Valentine’s sa Guatemala.
Pahayag ni Fr. Ermeje, sa syudad sang nasambit nga pungsod, indi lang ang mga pamatan-on ang nagaselebrar sang Valentine’s bangud kadam-an sa mga locals kag mga turista, nagasuksok sang feathered masks ukon vivid Mayan Attire samtang naga-upod sa parade sang mga senior citizen nga ginatawag nga ‘Old Love.’
