ILOILO CITY- Nagpasar si Iloilo City Councilor Lyndon Acap sang resolusyon nga nagahingyo sa tanan nga local kag national candidates nga mangin mahinalungon kag responsable sa pagpangtakod sang campaign posters kag sa pagpatigayon sang campaign activities sa Iloilo City.
Sa interview sang Bombo Radyo kay Councilor Acap, iya gintawag nga “indiscriminate” ang pagpangtakod sang mga posters nga wala na sa lugar kag nagalapas na sa layi.
Suno kay Acap, paagi sa resolusyon, salalama sila nga mga incumbent officials ang maga-set bilang ehemplo sa tanan nga kandidato.
Apang, gin-ako man niya nga siya mismo ang guilty sa tuman ka damo nga mga posters nga napangtapik sa indi designated nga lugar apang suno sa iya, may mga supporters gid man nga nagamato-mato sa pagpangtakod kag ini ang indi man nila ma-kontrol kun kaisa.
