ILOILO CITY – Nagdangat na sa 2.5 million ang mga tawo nga nag- evacuate halin sa Ukraine sa tunga sang nagapadayon nga tensyon.
Ang mga refugees ang nag-evacuate halin sa nasambit nga pungsod sa sulod na sang duha ka semana.
Suno kay Filippo Grandi, pinuno sang United Nations High Commissioner for Refugees (UNHCR), sa 2,504,893 nga mga indibidwal nga nagikan sa Ukraine, majority ang nagpadulong sa Poland kag sa kaiping sini nga mga pungsod.
Dugang pa ni Grandi, ginabanta nga duha pa ka milyon ka mga tawo sa Ukraine ang nagpalagyo sa ila mga panimalay samtang 12.65 million ka mga tawo ang direkta nga naapektuhan sang nasambit nga tensyon.
