ILOILO CITY- Handa si Iloilo 2nd District Rep. Mike Gorriceta sa posible sanction nga idagdag sang iya partido nga Nacionalista Party batok sa iya kasunod sang pag-endorso niya kay Vice President Leni Robredo kasunod sang pagpaguwa niya sang endorsement letter.
Nahibaluan nga ginasuportahan sang Nacionalista party ang BBM-Sara tandem sang Uniteam.
Sa interview sang Bombo Radyo kay Rep. Gorriceta, iya ginpahayag nga mataas ang iya respeto sa partido apang gin-suportahan niya si Robredo bangud nga naga-align ang ila prinsipyo.
Suno sa mamalidha, sa subong, wala ini sang ihibalo kun ano ang mangin sanction sang partido apang handa siya nga atubangon kag batunon ini.
Nagapati naman ang opisyal nga indi maapektuhan sang iya desisyon ang pag-abyanay nila ni Former Iloilo 4th District Rep. Ferj Biron, Nacionalista Party leader kag Provincial Chairman sang BBM-Sara campaign team.
