Ginpatawag sang Department of Foreign Affairs (DFA) si Chinese ambassador Huang Xilian bangud sa natalupangdan nga “illegal incursion” kag padayon nga pagbalik-balik sang Chinese navy vessel sa dagat nga sakop sang Sulu.
Suno sa DFA, ang nagsulod sa teritoryo sang Pilipinas amo ang unauthorized People’s Liberation Army Navy (PLAN) electronic reconnaissance ship.Nakit-an ang presensya sini sa Sulu Sea halin sang Enero 29 tubtub sang Pebrero 1.
Ginapahayag sang China nga INOSENTE lang nga naglabay ang amo nga PLAN vessel, apang suno sa DFA, indi ini innocent passage kundi paglapas sa Philippine sovereignty.
Suno pa sa gobyerno sang Pilipinas, kun sundan ang track sang navy ship, indi ini makonsiderar nga nagpadayon lang ukon naglabay lang, bangud naglibot-libot ini sa Sulu sea sa sulod sang tatlo ka adlaw.
May report man nga nagpadayon ini sang aktibidad sa dagat sang Pilipinas apisar nga gintabog ini sang Philippine Navy.
“In response to the incident, Acting Undersecretary Lazaro demanded that China respect Philippine territory and maritime jurisdiction, and to comply with its obligations under international law, particularly UNCLOS (United Nations Convention on the Law of the Sea), and direct its vessels to desist from entering Philippine waters uninvited and without permission,” suno sa statement sang DFA. ##
