Ginlak-angan lang sang isa ka semana ang asud-asud nga pagsaka sa presyo sang gatong, bangud epektibo subong nga adlaw, Marso 29, may yara naman sang oil price hike!
Atensyon sa mga motorista!
Yari ang pagsaka sa presyo sang produktong petrolyo:
Gasolina – P3.40 ang saka sa kada litro
Diesel – P8.65 ang saka sa kada litro
Kerosene – P9.40 ang saka sa kada litro
Kun matandaan, 11 ka magkasunod nga semana nga nagsaka ang presyo sang gatong, kag sang nagligad lang nga semana natabo ang price rollback.
Antes ang pag-adjust sa presyo subong nga adlaw, yari ang year-to-date increase ukon ang ginsaka sa presyo sang produktong-petrolyo halin sang una nga semana sang Enero tubtub subong — sandig sa oil monitor sang Department of Energy (DOE):
Gasolina – P14.90 kada litro
Diesel – P19.20 kada litro
Kerosene – P16.35 kada litro
