ILOILO CITY – Ginbuyagyag sang ginpahalin nga empleyado sang Smartmatic ang pangalan sang mga tawo nga amo ang sa likod sang ginapahayag nga data breach.
Suno kay Senate President Vicente Sotto III, isa ka dako nga development sang nagapadayon nga imbestigasyon sang National Bureau of Investigation (NBI) ang ginpirmahan nga affidavit sang ginpahalin nga empleyado sang Smartmatic kun sa diin, nakasaad diri ang mga pangalan, lugar kag petsa.
Una na nga ginpahayag ni Sotto nga yara na sa kustodiya sang NBI ang amo nga empleyado.
Sa nagapadayon nga imbestigasyon sang NBI, ginpahayag ni Comelec Chairman Saidamen Pangarungan nga ang data leak ang wala sang kahilabtanan sa the 2022 national and local elections.
Ginpasalig naman ni Pangarungan nga indi nila pagpahanugutan nga madula ang pagsalig sang publiko sa electoral system.
Sang Marso 24, ginpahayag sang Commission on Elections (COMELEC) nga tun-an sang ahensya ang kontrata sini sa Smartmatic kasunod sang gin-report nga security breach sa system provider para sa May 9 elections.
