Nagpadala sang bulig ang syudad sang Iloilo sa probinsya sang Capiz paagi sa pag-deploy sang Urban Search and Rescue agud magbulig sa pagpangita sa mga missing nga indibidwal nga dala sang mga nabiktima sang lapnagon nga baha.
Sa interview sang Bombo Radyo kay Mr. Darwin Papa, operations officer sang Iloilo City Disaster Risk Reduction and Management Office (CDRRMO), iya ginpahayag nga nakatutok sila sa banwa sang Panit-an.
Lima ka tawo ang nagabug-os sang team dala ang truck nga may ikasarang nga maka-provide sang suga, makahakwat sang mabug-at nga mga bagay, may kaugalingon nga kuryente, kag makahawan sa alagyan.
Tubtub sa Abril 17 ang depployment.
Nagahulat man ang team kun sa diin iga-assign pagkatapos sang trabaho sa Panit-an.
