Nagsaka na sa 152 ang kaso sang dengue sa probinsya sang Iloilo subong nga 2022 kag anum diri ang napatay.
Sa rekord sang Iloilo Provincial Health Office, yari ang mga casualties: duha sa Guimbal, 1 sa Miagao, 1 sa Igbaras, 1 sa Leganes, kag 1 sa Passi City.
Sa interview sang Bombo Radyo kay Ma. Jennifer Joy Oñate, health education promotion officer II sang PHO, iya ginpahayag nga sa 152 ka kaso sang dengue, pinakadamo diri ang banwa sang San Joaquin nga may 27 ka kaso.
Yari pa ang iban nga mga banwa nga mga kaso:
Guimbal – 17 cases
Estancia – 14 cases
Miagao – 9 cases
Tigbauan, Balasan kag San Dionisio – 7 cases
Concepcion kag Oton – 6 cases
Sara, Pototan, Carles – 5 cases
Tubungan – 4 cases
Igbaras, Sta. Barbara, Ajuy, Batad – 3 cases
Lambuano, Leganes, Passi, San enrique, Dingle, Leon – 2 cases
Samtang may tag-isa naman sa Mina, Calinog, Zarraga, Pavia, New Lucena, Cabatuan, Banate, Dumangas, kag Barotac Nuevo
Nagpahanumdom ang PHO sa publiko nga masami gid nga magpaninlo kag magpakonsulta gid gilayon kun nakabatyag sang hilanat nga wala naga-untat. ##
