ILOILO CITY- Nagdeploy na ang Police Regional Office (PRO) 6 sang masobra 12, 000 ka mga personnel para sa May 9,2022 national and local elections.
Ini kadungan sang ginpatigayon nga multi-agency send-off ceremony sa Camp Martin Delgado nga gin-updan man sang Commission on Elections(COMELEC), Philippine Army kag Philippine Coast Guard(PCG).
Sa interview sang Bombo Radyo kay PLtCol Arnel Solis, spokesperson sang PRO 6, iya ginpahayag nga sa masobra 12,000 ka mga PNP personnel, 7132 ang ideploy sa mga voting centers;774 sa Election Monitoring Action Center; 892 sa Mobile Security Team; 387 sa Provincial kag City Police Offices; kag 40 sa Provincial kag City Electoral Board.
Suno kay Solis, ang iban nga personnel ang igadeploy sa iban pa nga mga functions.
Sa bahin naman sang Philippine Army, yara sa 3000 personnel ang gindeploy kag sa Philippine Coast Guard, masobra sa 600 personnel ang magadugang sang ila pwersa sa eleksyon.
