ILOILO CITY – Super proud gid ang aktres nga si Andrea Brillantes sa iya nga boyfriend nga si Ricci Rivero matapos nga nakuha sang Philippines Fighting Maroons ang kampyeonato sa UAAP Season 84 Finals kagab-i.
Ginsigurado gid ni Andrea nga makalantaw sang final game ni Ricci kag nagsuksok pa sang replica sang jersey sang iya boyfriend kag nagakapot sang banner nga may nakabutang nga Rivero 25 kag may duha pa ka heart nga pink.
Nangin emosyonal man ini sang natapos na ang hampang kag nagdaog ang team sang iya nobyo.
Si Ricci ang nakakuha sang 9 points sa sining historic win sang UP.
Suno kay Andrea, ginapanumdom gid niya kay Ricci nga mag-focus gid sa hampang kag magpangayo sang guidance sa Ginuo kag syempre ginhatagan man niya sang matam-is niya nga ‘I love you’.
Kung madumduman, sa isa ka UAAP game sang Abril ginsabat ni Andrea si Ricci.
Tuman ang kilig nga nabatyagan ni Andrea bangud suno sa iya, first time niya nga naglantaw sang UAAP kag nagpauli siya nga may nobyo na.
