Indi maka-imbestigar ang Commission on Elections (Comelec) sa pila ka reklamo batok sa vote-buying sang tion sang eleksyon.
Suno kay Commissioner Aimee Ferolino, wala sang bisan isa nga willing nga personal nga mag-testify.
Suno kay Ferolino, nakabaton ang anti-vote-buying Task Force Kontra Bigay sang masobra 1,000 messages sa Facebook kag email, apang kalabanan sa mga alegasyon ang wala man sang nabutang nga ebidensya.
Pahayag pa sini, may viral social media videos lang sang alleged vote-buying apang wala man sang ginasulat nga detalye ukon impormasyon may kaangtanan sa ginareklamo nga kandidato.
Ginpahayag pa sini nga ang iban ang nagpadala lang sang mensahe agud magpabutyag sang kainit kag maghaboy sang insulto sa Comelec.
