Gin-anunsyo sang Commission on Elections (Comelec) nga iga-proklamar na sa Myerkules sang hapon, Mayo 18, ang winning senators sa 2022 elections.
Subong nga Lunes, ginalauman nga magaabot ang certificates of canvass halin sa Hong Kong.
Suno pa kay Comelec Commissioner George Garcia, lauman man nga sa Huwebes sang hapon, Mayo 19, maproklamara naman ang winning party-lists.
Una na nga ginpahayag ni Comelec acting spokesperson Rex Laudiangco nga mangin separado ang proclamation sa magadaog nga mga senador kag party-lists agud nga indi magginutok kag malikawan nga malapas ang Covid-19 protocols.
Suno kay Laudiangco, ang Comelec nga amo ang nagaserbe nga National Board of Canvassers (NBOC), ang magaproklamar sang initial party-list groups nga nakalab-ot sa 2% threshold sang total number sang party-list votes.
Sa latest partial and official tally sang poll body, siyam ka mga party-lists ang naka-secure na sang posisyon sa Kamara.
