ILOILO CITY – Ginkumpirma ni Senate president Vicente Sotto III nga natalana na nga pagwaon ang gin-detain nga mga opisyal sang Pharmally Pharmaceutical Corp.
Suno kay Sotto, sa Hunyo 3 na i-release sanday Linconn Ong kag Mohit Dargani sa Senate custody.
Ang duha ang lunsay yara sa Pasay city jail matapos nga nagpamalibad nga maghatag sang dokumento may kaangtanan sa ila kompaniya sa ginpatigayon nga Senate Blue Ribbon committee hearings sa kontrobersyal nga COVID-19 fund sang gobyerno.
Si Ong ang yara sa idalom sang Senate custody humalin sang Setyembre 21, 2021 sang gin-contempt bangud sang paglikaw sang mga palamangkutanon sang mga senador kag pagbinutig sa ginsumpaan.
Si Dargani naman ang gin-aresto sang Nobyermbre 14, 2021 sang nagtuyo ini nga magpalagyo sa pungsod sakay sa chartered plane sa Davao City International airport.
