ILOILO CITY – Plano ni Vice President-elect Sara Duterte-Carpio nga magpatigayon sang pagsinapol kay outgoing Vice President Leni Robredo.
Suno kay Duterte-Carpio, tapuson anay ang transition sa Office of the Vice President, agud nga makahatag na sang sulat para sa bise presidente nga naga-request sang initial meeting.
Suno sa iya, kalakip sang iya plano para sa Office of the Vice President amo ang pagpalawig pa sang “Magnegosyo ‘Ta Day,” isa ka entrepreneurial project para sa mga kababainhan nga iya ginsuguran sa Davao City sang alkalde pa siya.
Maga-serbe man ini bilang education secretary sa masunod nga administrasyon.
Paga-istoryahan nila ni President-elect Ferdinand “Bongbong” Marcos Jr. kun ano nga education program sa tiyempo sang iya amay nga presidente Rodrigo Duterte ang tuyo sini nga padayunon.
Dugang pa niya, handa siya nga magbulig sa mga kaalyado ukon sa nangin kontra niya sang nagligad nga eleksyon.
