ILOILO CITY- Positibo si Provincial Planning ang Development Coordinator Mr. Mario Nillos nga maaprubahan na sa pinakamadali nga panahon sang Land Transportation Franchising and Regulatory Board (LTFRB) Regional Office 6 ang Local Public Transport Route Plan (LPTRP) sang probinsiya sang Iloilo.
Sa interview sang Bombo Radyo kay Nillos, iya ginpahayag nga matapos nila ginpasa ang kopya sang LPTRP sa LTFRB 6, sunod nga ipaidalom ini sa review sang Department of Transportation Central Office.
Suno kay Nillos, kun maaprubahan na, sunod nga maga-isyu na sang Memorandum Circular sa pagpatuman sang LPTRP sa probinsya.
Dugang niya, ang amo nga approval ang magahatag sang kahigayunan para sa mahatagan sang franchise ang mga kooperatiba nga interesado nga magbiyahe sa mga ruta.
Nahibaluan nga sa idalom sang LPTRP, may 59 ka rationalized route kag 9 ka bag-o nga rota ukon developmental route.
Ang developmental route ang ginalakipan sang masunod:
1.Oton- Sta. Barbara- Leganes
2.Poblacion Oton- Iloilo International Airport- Cabatuan
3.Oton- Sta. Barbara- Zarraga- Dumangas port
4.Tubungan- Mohon terminal via Leon
5.Passi City- San Enrique- Anilao- Barotac Nuevo-Dumangas port
6.Tubungan- Igbaras- Miagao
7.Pavia- Iloilo City via circumferential road
8.San Miguel- Cabatuan Via junction of Iloilo-Capiz national road
9.Barotac Viejo-San Rafael
