ILOILO CITY- Magapatigayon sang temporary road closure sa porsyon sang Sen. Benigno S. Aquino Avenue partikular ang halin sa area sang Aganan Bridge pakadto sa intersection sang Felix Gorriceta Avenue para sa launching sang concrete girders sa Pier 8 tubtob Pier 12 sang ginatukod nga Aganan Flyover.
Ini nga road closure ang ipatuman umpisa sa Hunyo 2 kag magalawig tubtob Hunyo 5, kag magasugod alas- siete sa aga tubtob alas-singko sa hapon.
Sa interview sang Bombo Raydo kay Mr. Jeck Conlu, pinuno sang Public Safety and Transportation Management Office (PSTMO), iya ginpahayag magatutok sila sa pag-manage sang mga salakyan nga ara sa boundary sang Pavia kag Iloilo City.
Suno kay Conlu, subong nga adlaw, may yara pa sang final nga meeting upod sa Department of Public Works and Highways (DPWH) agud maplastar ang tanan angot sa road closure.
Yari naman ang mga alternatibo nga ruta nga mahimo agyan sang mga motorista halin sa Sta. Barbara kag Pavia padulong sa Iloilo City:
1.Sta. Barbara kag Pavia: Brgy. Cabugao (Pavia) — left turn to Pavia Plaza (Carlitos) — Pavia Plaza — Brgy. Anilao (Pavia) — Brgy. Tacas (Jaro) — Brgy. Quintin Salas (Jaro) — Jaro Plaza
2.Sta. barbara: Taft Street (Sta. Barbara) — Brgy. Agutayan (Sta. Barbara) — Brgy. Cabugao Norte (Pavia) — Brgy. Tigum (Pavia) — Brgy. Pagsangaan (Pavia) — Brgy Tacas (Jaro) — Brgy. Quintin Salas (Jaro) — Jaro Plaza.
Sa mga motorista naman halin sa Iloilo City padulong sa Pavia kag Sta. Barbara, yari ang mga alternatibo nga ruta:
1.Jaro Plaza — Brgy. Quintin Salas (Jaro) — Brgy. Tacas (Jaro) — Pavia Road (Pagsangaan/Anilao)
- Jaro Plaza — Ungka Flyover intersection — Iloilo Circumcferential Road (C-1) — Brgy. Tacas (Jaro) — Pavia Road (Pagsangaan/Anilao)
- Jaro Plaza — Ungka Flyover — Brgy. Aganan (Pavia) — Pavia town proper
