Handa si president-elect Ferdinand ‘Bongbong’ Marcos Jr. nga mag-kooperar sa Catholic Church kag sa Vatican kun siya na ang magpamuno sa pungsod.
Suno kay Papal Nuncio Archbishop Charles John Brown, kabahin ini sang nangin commitment ni Marcos sang nag-istoryahanay sila nga duha kaupod ang lima ka iban pa nga foreign diplomats sang Hunyo 10.
Suno kay Brown, nangin positibo kag produktibo ang meeting nila kaupod si Marcos.
Una na nga nagpahayag sang pagpanginbulahan ang social arm sang Catholic Bishops Conference of the Philippines (CBCP) kay Marcos kag kay vice president-elect Sara Duterte-Carpio kasunod sang ila kadalag-an sa May 2022 elections.
Una naman nga nagpahanumdom ang Caritas Philippines kanday Marcos kag Duterte-Carpio nga tumanon ang ila nga campaign promises bangud salabton nila ini sa mga pumuluyo sang pungsod.
