ILOILO CITY- Positibo ang Iloilo Provincial Government nga maaprubahan na sang Department of Transportation (DOTR) paagi sa Land Transportation Franchising and Regulatory Board(LTFRB) ang final draft sang Local Public Transport Route Plan (LPTRP) sa probinsya.
Sa interview sang Bombo Radyo kay Mr. Mario Nillos,pinuno sang Provincial Planning and Development Office (PPDO), iya ginpahayag nga isa idalom sang proposed LPTRP,59 ang merged,consolidated and rationalized nga mga ruta samtang siyam naman ang developmental routes.
Ini nga developmental routes ang nagalakip sang mga masunod:
1.Oton- Sta. Barbara-Leganes
2.Poblacion, Oton- Iloilo International Airport sa Cabatuan
3.Oton-Sta. Barbara- Zarraga-Dumangas Port
4.Tubungan- Iloilo City-Mohon Terminal via Leon
5.Passi City-San Enrique-Anilao-Barotac Nuevo-Dumangas
6.Tubungan-Igbaras-Miagao
7.Pavia-Iloilo City- ITGSI via C1 Road
8.San Miguel-Cabatuan
9.Barotac Viejo- San Rafael
Suno kay Nillos, ang nasambit nga mga ruta ang ginkasugtan mismo sang mga kooperatiba gani ginalauman nga wala sang mangin problema diri.
Ginpahayag naman ni Nillos nga pila lamang sa rekomendasyon sang (DOTR) para sa LTFRB amo ang paghuman sang mapa sa kada ruta kag may designated stop sa tagsa ka ruta.
Sa tion nga aprubado na ang LPTRP,maga-isyu sang certificate of compliance kag certificate of public convenience ang DOTR kag LPTRP antes ini ipasa sa Sangguniang Panlalawigan para sa enactment sang ordinansa.
