Nagpasalig ang masunod nga commissioner sang Bureau of Internal Revenue (BIR) nga sundon sang ahensya ang desisyon sang korte pag-abot sa ginapahayag P203-billion nga estate taxes liability sang pamilya Marcos.
Suno kay incoming BIR commissioner Lilia Guillermo, ang masunod nga tikang sa ginaalegar wala nabayaran nga buwis sang mga Marcos ang nakapende na sa hurisdikyon sang korte — indi sa BIR ukon sa Department of Finance (DOF).
Matandaan nga una na nagpahayag ang BIR nga nagpadala ini sang sulat sa Marcos Family sang December 2021 nga nagamandu nga bayaran ang ila buwis.
Sa bahin naman ni incoming Finance Secretary Benjamin Diokno, pareho man kay Guillermo ang iya desisyon — sundon niya kun ano ang mangin mandu sang korte.
Sini lang nga weekend sang gin-appoint ni Marcos si Guillermo bilang masunod nga pinuno sang BIR.
Siya subong ang nagapungko nga Assistant Governor sa Bangko Sentral ng Pilipinas (BSP).
Ginpasalig man sini nga indi mag-introduce ang Marcos Jr. administration sang bag-o nga buwis.
