ILOILO CITY – Ginkumpirma sang Office of the Vice President (OVP) nga masaylo ini sang headquarters sa Mandaluyong City.
Suno kay Reynold Munsayac, spokesperson ni Vice President Sara Duterte, nagahanda na sila agud nga magsaylo sa bag-o nga opisina nga mahimo nga maka-cater sang tanan nga co-term, casual, kag permanent employees sang OVP.
Dugang pa niya, ang bag-o nga lokasyon ang mas accessible sa publiko bangud nga malapit ini sa mga mayor nga dalan kag mass transportation facilities.
Bilang head man sang Department of Education (DepEd) nga nahamtang sa Pasig City, mas maayo nga malapit lang ini sa Mandaluyong.
Ginpasalamatan sang OVP si Mayor Joy Belmonte kag ang local government sang Quezon City sa pag-accommodate sang ila nga request nga gamiton ang Reception House sa diin, ini man ang nangin headquarters sang ginbuslan ni Duterte nga amo si former Vice President Leni Robredo.
Kung madumduman, una na nga ginpahayag ni Duterte nga magatukod ini sang permanente nga residence para sa mga masunod pa nga bise presidente bilang kabahin sang iya legasiya.
