ILOILO CITY- Ginpasirado sang Iloilo City Government ang isa ka resto bar kag isa ka night cIub bangud sa paglapas sang Section 240 sang Local Tax Ordinance #2007-016 angot sa kapaslawan nila nga magkuha sang business permit (Mayor’s Permit License) sang ila mga negosyo.
Ini amo ang Lady Anne Disco Club nga nahamtang sa Rizal St., Brgy. Ortiz, Iloilo City Proper kag JEPLOCCS/WANBATS Resto Bar sa Aurora Subd., Bgy. Villa Anita, City Proper.
Magluwas sa amo nga violation,ginlapas man sang Lady Anne Disco Club ang Regulation Ordinance #1980-226 nga nagadumili sa pagbutang ukon pagpahamtang sang balay kalingawan kag kasubong nga mga negosyo nga indi magkubos sa dos sientos (200) metros ang kalayuon ukon distansya sa mga eskwelahan, ospital kag simbahan.
Ang Lady Ann Disco Club ang yara gid sa tabok sang University of Iloilo- PHINMA High School Dept.
