ILOILO CITY-Ginpaidalom sa refresher lecture ang mga bouncers kag security guards sa mga bars sa Mandurriao, Iloilo City.
Sa interview sang Bombo Radyo kay PCol Leo Batiles, director sang Iloilo City Police Office (ICPO), iya ginpahayag nga katuyuan sini nga mas mangin maathag sa mga bouncers kag gwardiya ang ila mga katungdanan.
Suno kay Batiles, importante man para sa mga bouncers nga makahibalo mag-atubang sa mga sitwasyon kun sa diin may yara sang kinagamo kun sa diin ang ila responsibilidad amo nga mag-pacify kag indi gid ma-involve diri.
Matandaan nga isa ka bar sa Mandurriao ang ginpasirado sang pila ka adlaw kasunod sang reklamo nga nagapangastigo ang ila bouncers.
