ILOILO CITY- Pormal na nga gin-award sang Iloilo City Government paagi kay Mayor Jerry Trenas ang 25- year lease agreement sa SM Prime Holdings Inc. (SMPHI) paagi sa President sini nga si Jeffrey Lim kag SM Supermalls President Steven Tan.

Iloilo City officials with representatives of SM Prime Holdings pose for a photo op during tha awarding of Lease Agreement

Ini may kaangtanan sa Public- Private Partnership (PPP) project para sa pag-redevelop sang Iloilo Terminal Market kag Central Market.

Sa interview sang Bombo Radyo kay Iloilo City Mayor Jerry Treñas, iya ginpahayag nga pagkatapos sang awarding, ang masunod nga tikang amo ang pagpadala sang lease agreements kag redevelopment sa Iloilo City Council agud maaprubahan na kag maumpisahan ang redevelopment sang mga merkado.

Suno kay Trenas, magadepende naman sa SM Prime ang time table sang proyekto.

Ginpasalig naman sang alkalde nga sa tion nga matapos ang proyekto, may yara sang balikan ang mga tanan nga mga vendors,mga lessees kag transient.

Posible man suno sa iya nga madugangan pa ang numero sang mga vendors nga maakomodar sa duha ka mga merkado.