ILOILO CITY- Padayon ang imbestigasyon sang Ajuy Municipal Police Station sa pagluthang-patay sa isa ka driver sang motorsiklo.
Natabo ini sa nabukid nga bahin sang Sitio Malbog, Brgy. Tubugan, Ajuy.
Ang biktima amo si Rommel Escoban Biscay,22,anyos,residente sang NHA Village, Brgy. Adcadarao, sa amo nga banwa.
Sa interview sang Bombo Radyo kay PLt. Jojo Octavo, Deputy Chief of Police sang Ajuy PNP, iya ginpahayag nga nalabayan sang isa ka motorista ang biktima sa higad sang dalan nga nagahamyangon kag duguon rason nga nagtawag ini sang kapulisan.
Suno kay Octavo, duha ka pilas sa ulo ang naangkon sang biktima nga gintunaan sang iya kamatayon.
Sa subong, wala pa sang natumod nga tawo nga posible may kahimuan sang krimen.
