Bubon sa Calumpang, Molo, gintakluban bangud sa mataas nga lebel sang e. coli

ILOILO CITY- Gintakluban kag ginpasemento agud indi anay magamit sang pumuluyo ang isa ka bubon sa Brgy. Calumpang, Molo, Iloilo City.

Sa interview sang Bombo Radyo kay Calumpang Punong Barangay Roberto Niño, iya ginpahayag nga ang nasambit nga bubon nga nahamtang sa Zone 6 sa amo nga lugar ang natukiban nga may mataas nga lebel sang e. coli.

Ang mataas nga lebel sang e. coli sa tubig ang indikasyon sang sewage ukon animal waste contamination kag mahimo nga mangin kabangdanan sang balatian.

Suno kay Niño, magalawig sang anom ka bulan ang pagtabon kag pag-untat gamit sa amo nga bubon kag i- check ini sang sanitary inspector kun safe na ini liwat nga gamiton sang pumuluyo.