ILOILO CITY- Gin-athag sang Department of Social Welfare and Development Office(DSWD) nga maka-apply gihapon para sa cash aid ang mga indigent students nga naga-avail sang free tuition sa state universities and colleges (SUCs).
Sa interview sang Bombo Radyo kay Atty. May Castillo, spokesperson sang DSWD Region 6, iya ginpahayag nga kinahanglan lang nga magluwas sa free tuition,wala na sang iban nga scholarships ukon incentives nga ginabaton ang amo nga estudyante, indi ini benepisyaryo sang Pantawid Pamilyang Pilipino Program ukon (4PS), kag ini ang makabig nga student in crisis.
Suno kay Castillo, ang student in crisis amo ang mga indibidwal nga breadwinner bisan nagaeskwela pa lang,mga ginbayaan sang ginikanan ukon nailo na ginikana, mga bata sang OFWs in distress, bata sang solo parent, HIV patient, Person With Disability (PWD), kag Person Deprived of Liberty (PDLs).
Matandaan nga pila ka mga indigent students sa mga kolehiyo kag unibersidad ang nagpalab-ot sang reklamo batok sa ila mga eskwelahan matapos nga wala na naghatag sang certificate of registration kag certificate of enrollment nga kinahanglanon sa pag-apply para sa cash aid.
