ILOILO CITY- Liwat nga naelihir bilang Presidente sang Philippine Councilors League- Iloilo Chapter si Ex-Officio Board Member Ramon Sullano sang Sta. Barbara.
Nangin kasumpong sini si San Enrique Councilor Atty. Ping Panizales.
Sa natabo nga binotohay, 262 ang nakuha ni Sullano samtang 132 ang nakuha ni Panizales.
Sa interview sang Bombo Radyo kay Sullano, iya ginpahayag nga dako ang iya pagpasalamat sa mga kaupdanan niya sa PCL nga nagsuporta sa iya agud liwat nga makapungko nga presidente.
Ini ang ikaduha nga termino ni Sullano bilang PCL- Iloilo Chapter President kag ikatatlo nga termino bilang Councilor sang Sta. Barbara.
Padayunon naman ni Sullano ang pila ka mga programa nga naumpisahan niya sang 2019 may kaangtanan sa paghatag benepisyo sa mga PCL members kag ang promosyon sang maayo nga pagtamdanay sa mga katapo sang PCL-Iloilo Chapter.
