ILOILO CITY- Wala nadayon subong nga adlaw,Septyembre 1, ang special session sa Iloilo City Council agud aprubahan kuntani ang deklarasyon sang state of calamity sa syudad bangud sa mataas nga kaso sang food and waterborne diseases.
Si Mayor Jerry Treñas ang nagrequest sang amo nga special session matapos nga gindeklarar sang Iloilo City Health Office ang outbreak sang acute gastroenteritis (AGE) kag cholera sa diin naglab-ot na sa 90 ang kaso kag apat ang patay.
Gintalana na lang bwas, Septyembre 2, ang pag-convene sang Iloilo City Council para sa amo nga katuyuan.
Kun matigayon ang deklarasyon sang state of calamity, may yara na sang P12 million gikan sa Quick Response Fund para sa medical personnel, supplies, bulong, kag iban nga maintenance kag operating expenses.
Gamiton naman ang modular hospital sa Sooc, Arevalo bilang temporaryo nga hydration unit para sa mild cases sang acute gastroenteritis.
Ang pila ka sintomas sang acute gastroenteritis amo ang watery diarrhea; nausea,ukon pagsuka; stomach cramps kag pain; muscle aches ukon headache; kag low-grade fever.
