ILOILO CITY- Local Economic Enterprise Office (LEEO) sa tanan nga tenants sa mga merkado sa syudad nga indi na paggamiton ang tubig sa bubon nga nahamtang sa mga merkado.
Ini sa tunga sang outbreak sang food and waterborne diseases sa Iloilo City.
Sa interview sang Bombo Radyo kay Maricel Mabacquiao, LEEO head, iya partikular nga gintumod ang mga nagaserbe sang pagkaon ukon karinderya nga nagagamit sang tubig sa bubon sa paghugas sang mga pinggan.
Suno kay Mabaquiao, may koneksyon sa Metro Pacific Iloilo Water ang tagsa ka merkado kag amo ini ang dapat gamiton nga tubig sa baylo nga sa bubon.
Gin-ako naman ni Mabacquiao nga indi man bastante ang tubig halin sa Metro Pacific bangud indi consistent ang pagtubod sini.
Dugang sang natungdan, nagabakal na lang ang mga vendors sang tubig halin sa mga refilling station agud nga may yara sila sang gamiton.
