ILOILO CITY- Nagsaka na sa 13 ang kaso sang acute gastroenteritis sa probinsya sang Iloilo.
Sa interview sang Bombo Radyo kay Dr. Ma. Socorro Quiñon, head sang Iloilo Provincial Health Office (IPHO), iya ginpahayag nga base ini sa ila data as of September 6.
Yari ang nagabug-os sang 13 ka kaso sang acute gastroenteritis sa probinsya:
Sa Oton- isa ka isa ka tuig kag siyam ka bulan nga bata sa Oton nga sandig sa resulta sang Culture and Sensitivity, may yara sang Vibrio cholerae bacteria infection; kag lima ka myembro sang isa ka pamilya
Sa Pavia-isa ka 21-anyos nga babayi nga naga-eskwela sa syudad sang Iloilo nga inisyal nga na-diagnose nga may hypovolemic shock [apang nag-ayo na], secondary to infectious diarrhea, secondary to cholera;
Sa San Joaquin- isa ka 26-anyos nga babayi nga na-diagnose nga may ‘acute gastroenteritis with moderate dehydration’
Sa Leganes- tatlo ka myembro sang isa pamilya
Sa Dingle – may isa ka pasyente
Sa Pototan- may isa man ka pasyente
Suno kay Quinon, inisyal pa lang ang ila ginauyatan nga mga impormasyon kag padayon pa ang imbestigasyon agud matumod gid kun paano nakaangkon sang balatian ang 13 ka mga biktima.
