Nakarecord ang Iloilo City Health Office sang 39 ka panibag-o nga kaso sang acute gastroenteritis kun sa diin nagsaka pa sa 393 ang total cases sa syudad as of Sept. 5, 2022.
Wala naman sang nagdugang sa numero sang patay kag wala man nadugangan ang cholera cases.
Sa interview sang Bombo Radyo kay Dr. Marigold Calsas,head sang Iloilo City Epidemiology and Surveillance Unit(CESU) iya ginpahayag nga sa 393 total cases, 292 ang recovered kag 60 ang admitted samtang ang iban ang naga-home medication kag amat-amat nga nagapaayo.
Suno kay Calsas, sa total cases,210 ang lalake kag 183 babaye.
Ang common age group naman nga apektado sang balatian amo ang 1- 10 anyos, 11 – 20 anyos, kag 21 – 30 anyos.
