ILOILO CITY- Ginaengganyo sang Provincial Social Welfare and Development Office (PSWDO) nga ginapamunuan ni Sarah M. Barayuga ang tanan nga bedridden nga mga indibidwal nga mag-avail sang quarterly financial assistance halin sa provincial government.
Sa interview sang Bombo Radyo kay Ann Rapunzel “Rara” Ganzon, Development Management Officer 2 kag spokesperson sang PSWDO, iya ginpahayag nga may yara sang Provincial Ordinance Number 2021-255 nga nagahatag sang financial assistance sa mga totally bedridden person sa probinsya.
Suno kay Ganzon, nag-umpisa na sang nagligad nga bulan ang pag-akomodar sa mga benepisyaryo kun sa diin P1500 tubtob P2000 ang ila mabaton kada tatlo ka bulan.
Pahayag ni Ganzon, kinahanglan lang nga magpakig-angot sa Municipal Social Welfare and Development Office (MSWDO) ang pamilya sang mga bed ridden individuals agud sila ang ma-assess kag maumpisahan ang pagproseso sang ila requirement agud mangin benepisyaryo.
