Nagpasugot ang Government Service Insurance System nga ipahulam ang ila property sa Iloilo City Government.
Ini nga property ang nahamtang sa tupad sang Iloilo City Hall sa bahin sang Zamora Street kag nagalapad sang 5,300 square meters.
Sa interview sang Bombo Radyo kay Wick Veloso, President kag General Manager sang Government Service Insurance System, iya ginpahayag nga gamiton sang Iloilo City Government bilang parking lot ang nasambit nga property.
Suno kay Veloso, may kasugtanan sa tunga sang ahensya kag sang City Government sa pagpamuno ni Mayor Jerry Trenas nga i-maintain sang syudad ang property.
Ginpahayag man ni Veloso nga kabahin sang nakasugtan nga ibalik man sang syudad ang property sa tion nga kinahanglanon na ini liwat sang ahensya.
