Daku nga dungog para sa Filipino-British singer songwriter nga si Beatrice Kristi Laus ukon mas kilala nga “beabadoobee” nga makaupod sa ginakalangkagan nga concert tour ni Taylor Swift!
Ang 22-anyos nga Filipino pride ang nangin kilala bangud sa iya kanta nga “Coffee” nga nangin global hit matapos gin-reinterpret sang rapper nga si Powfu kag na-feature man ang iya tingog sa “Death Bed (Coffee For Your Head).”
Lakip man sa magaupod kay Taylor bilang special guests amo ang Paramore, Phoebe Bridgers, kag HAIM.
Excited ang Swifties bangud ini ang una nga tour ni Taylor matapos ang “Reputation” tour sang 2018.
Suno pa sa Grammy-winning megastar, ang iya nga “Eras” tour amo ang iya makabig “a journey through all of her musical eras of her career.”
Ginpatigayon ang tour announcement duha ka semana matapos ang release sang iya 10th album nga “Midnights.”
Sini lang mga semana, naghimo sang maragtas si Taylor bilang una nga artist nga nakakuha sang 10 tanan ka spots sa Billboard hot songs chart.
