Patay ang isa ka senior political figure sa Democratic Republic of the Congo (DRC) matapos ini nga gin-atake sang mga lokal nga residente kasunod lamang sang iya radio guesting may kaangtanan sa kampanya batok sa Ebola virus nga nagapadayun sa paglapta sa nasambit nga lugar.
Suno sa UDPS federation kun sa diin acting president ang nagtaliwan nga opisyal nga si Marie-Celestin Karondwa, ginsaputi, ginkawatan, kag ginsunog pa ang balay sini.
Nahibaluan nga madamo na nga myembro sang response teams kag health workers ang ginpatay sa Congo bangud sa pagpati sang mga residente nga indi matuod ang Ebola Virus.
Sa subong, masobra 8,000 na ka mga indibidwal ang infected sang Virus halin Mayo 15, 2026, samtang masobra 3,000 naman ang nagtaliwan bangud sa nasambit nga sakit.
