ILOILO CITY- Ginakabig sang Iloilo Police Provincial Office nga lunsay isolated cases lamang ang tatlo ka shooting incidents kadungan sang Paskwa.
Sa Calinog, patay ang isa ka lalaki sang ginluthang sang riding-in-tandem suspect.
Sa Leganes, ginbawian sang kabuhi ang biktima sang natiruhan sa isa ka KTV bar.
Sa Ajuy, wala nakaluwas ang Australian national sang gintiro sang lalaki nga nakabais bangud gid lamang sa bugas.
Sa interview sang Bombo Radyo kay Major Nestor Bacuyag, spokesperson sang Iloilo Police Provincial Office, iya ginpahayag nga apisar sang pagluntad sang amo nga mga krimen, generally peaceful sa gihapon ang selebrasyon sang Paskwa.
May kaangtanan naman sa narecord nga pila ka kaso sang aksidente sa dalanon kadungan sang paskwa, nagpangabay si Bacuyag sa mga motorista nga labaw sa selebrasyon, mas importante ang paghalong sa dalanon.
