Nakapili na ang Team Scottie kag ang Team Japeth sang ila mga kaupdanan para sa pagbalik sang Philippine Basketball Association (PBA) All-Star Game nga patigayunon sa Marso 12 sa Passi City.
Una nga nagpili si team captain Scottie Thompson kag ang ginpasulabi sini amo ang iya Barangay Ginebra teammate nga si Christian Standhardinger.
Ginpili naman sang team Japeth Aguilar ang six-time Most Valuable Player (MVP) nga si June Mar Fajardo.
Magluwas kay Standhardinger, yara man sa Team Scottie sanday CJ Perez sang San Miguel; Calvin Abueva sang Magnolia; Robert Bolick sang NorthPort; Arvin Tolentino sang NorthPort; Kevin Alas sang NLEX; Jayson Castro sang TNT; Stanley Pringle sang Barangay Ginebra; Marcio Lassiter sang San Miguel; Mark Barroca sang Magnolia; kag James Yap sang Rain or Shine.
Mabaskog man ang Team Japeth kun sa diin yara si Jamie Malonzo sang Ginebra; Chris Newsome sang Meralco; Roger Pogoy sang TNT; LA Tenorio sang Barangay Ginebra; Mikey Williams sang TNT; Paul Lee sang Magnolia; Jeremiah Gray sang Barangay Ginebra; Gian Mamuyac sang Rain or Shine; Nards Pinto sang Barangay Ginebra; kag Terrence Romeo sang San Miguel.
Sa All-Star festivities sa Passi City sa Marso, may iban man nga balantayan nga aktibidad kaangay sang Slam Dunk Challenge, Skills Contest, kag Three-Point Shooting contest. ##
