Iloilo City – Ginareklamo sang pila ka mga residente sa syudad sang Iloilo ang huol nga tuga sang ginpatigayon nga pagkay-o ukon maintenance activity sa linya sang tubig sang Metro Pacific Iloilo Water.
Ini matapos ang ginpatuman nga Water Distribution Reconfiguration schedule subong nga adlaw sa pila ka mga lugar sa syudad kag probinsya sang Iloilo lakip na ang distrito sang Arevalo, Lapuz, City Proper, La Paz, Mandurriao, kag Jaro, kag amo man ang mga banwa sang Pavia kag Sta. Barbara, Iloilo.
Sa interview sang Bombo Radyo kay Vilma Ituriaga, residente sang Barangay Rizal, Lapuz, Iloilo City, iya ginpahayag nga nabudlayan ini manghakot sang tubig ilabi na nga siya lang ang bilin sa iya panimalay gani ginpakamaayo niya magtipon sang tubig antes pa man ang maintenance activity.
Nahibaluan nga ang paglubog sang tubig kag improvement activties sang mga bulk water suppliers ang rason sang maintenance activity.
Samtang, ginalauman nga ang maintenance activity ang magaresulta sang limitado nga supply sang tubig sa apektado nga mga lugar.
