Ginakahangaw-an nga magasobra pa sa 100 ang casualties matapos nawasak ang isa ka migrant boat sa southern Italy.
Sa subong, 64 na ang kumpirmado nga nagtaliwan lakip na ang 12 ka mga kabataan.
Ginabanta 200 ka tawo ang sakay sang amo nga vessel nga halin sa Afghanistan, Pakistan, Somalia, Syria, Iraq kag Iran.
Halin ang vessel sa Turkey kag nagahilapit na sa Crotone sa Calabria, Italy, nawasak ini bangud naigu ang wooden boat sa isa ka daku nga bato.
Nakit-an naman nga nagsampay ang mga bangkay sa seaside resort sa Calabria region.
Suno sa coast guard, 80 pa lang ka mga tawo ang kumpirmado nga nakaluwas sa amo nga insidente, kag isa diri ang gindakop pa sang mga pulis bangud sa migrant trafficking charges.
Nagakasagabal man ang search efforts bangud sang malain nga tyempo sa Mediterranean sea. ##
