Iloilo City – Ginakabalak-an sang mga market vendors sa Iloilo Central Market nga posible nga maulanan sila sa tion nga magsaylo na sila sa mga temporary stalls sa Marso 31.
Ang temporary stalls ang sayluhan sang mga vendors sa tion nga kay-uhon na ang merkado.
Sa interview sang Bombo Radyo kay Jocelyn Donasco, eatery owner sang nasambit nga merkado, iya ginpahayag nga magamay lamang ang espasyo kag naga-ambi sa tion nga mag-ulan.
Magluwas diri, suno kay Donasco, ang ginhatag nga 4×3 nga espasyo ang tungaon pa nila sang kaangay man nga eatery owner.
Apisar nga ginpapalab-ot na sang natungdan ang reklamo sa market in charge, wala ini ginpamatian.
