Iloilo City – Kadungan sang selebrasyon sang Fire Prevention Month sa bulan sang Marso, nagpreparar man ang Barangay Boulevard, Molo, Iloilo City sang mga pamaagi agud malikawan ang sunog sa lugar.
Sa interview sang Bombo Radyo kay Punong Barangay Virgilio Villanueva, iya ginpahayag nga hatagan sini sang igtalupangod ang Zones 3, 5, kag 6 nga masami mga lugar nga prone sa sunog.
Suno kay Villanueva, nagpahamtang na ini sang standpipe system sa mga nasambit nga lugar agud mangin mahapos ang pagkuha sang tubig.
Kaangot diri, ginpahayag sang natungdan nga naghingyo ini sa Bureau of Fire Protection nga magpatigayon sang training sa mga barangay tanod agud mapasanyog ang abilidad sang mga ini sa pagpapalong sang kalayo sa tion nga may magluntad nga sunog.
