Pasakaan pa sang China ang ila budget para sa militar bangud sa ila ginpahayag nga nabaton nga mga pagpamahog halin sa iban nga pungsod.
Gin-anunsyo ini sa meeting sang rubber-stamp parliament kun sa diin natalana man nga i-confirm ang ikatatlo nga termino para kay Chinese leader Xi Jinping bilang presidente.
Hingadlan man ang bag-o nga premier ukon ang second-in-command kasunod kay Xi bangud magahalin na ang incumbent nga si Premier Li Keqiang.
Ang $225 billion ukon P12.5 trillion nga defense budget sang China amo ang ikaduha sa pinakadaku sa kalibutan.
Nagapanguna sa gihapon ang Estados Unidos sang Amerika nga may $800 billion ukon P44.42 trillion nga pondo para sa militar subong nga tuig.
Suno kay outgoing Premier Li Keqiang sa iya speech sa National People’s Congress, nakit-an nga may pagsaka sa external attempts agud nga pahugon ang China gani kinahanglan man nga pabaskugon ang prepasyon kag amo man ang training sa militar. ##
