Iloilo – Nalakip ang isa ka Bombo International Correspondent sa cast sang historical-drama film series kaupod ang American actor nga si Jason Momoa.
Ang series ang gintiguluhan nga Chief of War nga nakabase sa true story sang isa ka warrior chief nga naumid sa pagsakop sang Hawaii sa ulihi nga bahin sang 1700s.
Suno kay Bombo Reynand Dumala-on, international correspondent sa New Zealand, ginadala niya ang papel bilang isa ka Filipino nga bihag kun sa diin ginatungdan naman sang aktor ang papel bilang baganihan kag manugsalbar.
Ginpahayag sang natungdan nga ini ang una niya nga kahigayunan nga makapasakop sa isa ka international film.
Sa subong, balantayan ang pagpagwa sang film series nga may yara sang siyam ka mga episodes.
